Shillong,15 Naiwieng:
Ka Khun Hynniewtrep National Awakening Movement (KHNAM) ka la phah jingthoh sha u myntri rangbah duh ka Ri u Narendra Modi namar ka jingkyrduh umphniang sharak ha kane ka jylla. Ha ka shithi sha u Modi ka la KHNAM ka la ong ba ka umphniang sharak ka dei ka rashon ba ju sam sha ki longing kiba duk ha kane ka jylla lyngba ka Public Distribution System kaba la ai bhah kyrpang da ka sorkar India ha ka dor kaba jem.
Ka la ong ba ha u snem 2014 la ai umphniang sharak 6,492 KL lyngba ka Indian Oil Corporation, hynrei ka la don ka jingduna kynsan ka umphniang sharak ha kane ka jylla bad katei ka la ktah ia ki longing kiba duk.
Ka KHNAM State Youth Wing ka la pyntip ruh ha u Modi ba ka la ia kynduh ia u Joint Director of Supply, ka sorkar Meghalaya ban pan jingshai balei ba ka duna umphniang sharak bad ka la ioh jubab ba ka sorkar India ka la pynduna bhah ia kane ka jylla.
Ka la kynthoh ruh ba ka skhim PMUY bad ka Direct Debit Transfer na bynta ka umphniang sharak ka dei ka projek jong ka sorkar India , hynrei ha kane ka jylla kiba bun kiba pyndonkam umphniang sharak dei ki longing kiba duk.Ha ka shithi ba la soi da u President Youth Wing ka KHNAM ka la kyrpad ia u Modi ban tuklar halor katei ka jingeh ki longing kiba duk.
↧
Duna umphniang sharak ha Jylla
↧