Iap ka longkmie ba lap na Khyndailad

Shillong, 10 Naiwieng:
Kawei ka longkmie kaba la lap na Khyndailad ha ka 7 tarik mynta u bnai ka la khlad noh ha ka sngi kaba bud ha Civil Hospital, Shillong. Ia katei ka longkmie lalap najan ka Choudhury Pharmacy kaba don ha Khyndailad bad ki pulit ki la rah ia ka sha Civil Hospital, Shillong hynrei ka la khlad noh ha ka 8 tarik .
Kate ka longkmie ka don kumba 50 snem eiei ka rta jong ka, ka phong da ka sopti kaba saw, sem jain kyrshah thoh rongsaw bad ka jain tawah kaba saw, ki pulit ki la pyntip ba la da don ba ithuh ki lah ban leit peit ia ka ha Civil.