Shah kem u khun ba dawa pisa na ka kmie

Jowai, 14 Risaw:
Uwei u samla 27 snem uba la tip kyrteng kum u Mishas Manar u la shah kem ha ki pulit WJH halor ka jingdonkti jong u ban dawa pisa na la ka kmie bad ruh ban byrngem byrsit ia la ka kmie, u kpa bad ki para jong u.
Kane ka la jia ha ka shnong Umjalisiaw ha kaba utei u khun u la wan poi sha iing ban dawa pisa jubor na ka kmie jong u. Ki pulit kila kem ia utei u briew hadien ba ki la ioh ia ka jingujor na u kpa jong u hi, u bah Haidrogen Kharmalki.
Katkum ka jingujor u kpa, la iathuh ba katei ka jinglong riew khlaw utei u khun ka la long na ka por sha ka por.