Shillong, 31 Nailar:
Ka Village Administration Bill (VAB), ka dei ka hok nongkynti jong ka tnat kam poh iing jong ka sorkar India bad ka Khasi District Council, ong U bah PN Syiem Chief Executive Member jong ka Council, haba iakren bad U Rupang mynta ka miet. “Ka sorkar Jylla, kam don bynta” ula ong shuh shuh.
Haba kynthoh halor ka jingong jong u myntri rangbah, ba ka Council, ka dei ban jubab ia ki 12 tylli ki mat, kiba ka tnat kam poh iing jong ka sorkar India, ka kwah jingshai, ha shwa ba kan mynjur ia ka VAB, U Bah PN Syiem,u iathuh ba ka Council, ka la phah ia ka jingpynshai jongka, halor kitei ki mat mynta ka sngi sha ka Sorkar Jylla, tangba ula kren shai shuh shuh, ba mynta ka dei ka kamram jong ka Council bad ka tnat kam poh iing jong ka sorkar India, ba kan ia pynbeit halor katei ka ain jong ka VAB.
↧
“Ka VAB, ka dei hapdeng ka KHADC bad ka tnat pohiing”
↧