Plie U bah HDR ia ka tamasa jngohkai pyrthei ha Mawphanlur

Nongstoin, 4 Nohprah:
Mynta ka sngi ka Mawphanlur Integreted Village cooperative society Ltd  ryngkat kajingia trei lang bad ka Megha laya Village Development  & promotion tourism cooperative society Ltd Shillong kala plie pyrda ia ka tamasa kaba la tip kum ka “ Mawphan lur Tourism festival 2015” ia kaba la pynlong ruh ha Mawphanlur , West Khasi Hills.
Ha katei ka sngi plie pyrda ia katei ka tamasa jngoh kai pyrthei la iadon lang ruh u  bah HD.R Lyngdoh myntri ka tnad Cooperation, GAD u ba la long kum u kongsan ha katei ka sngi bad kumjuh la iadon lang ruh u bah KP Pangniang MLA ka Rambrai kum u symbud kongsan bad ki heh ophisar ka sorkar jylla, ki paidbah bad kiwei kiwei.Ha katei ka sngi plie pyrda ia katei ka tamasa nalor ki kongsan la ia don lang ruh ka kong R.Kharmujai Managing Director , Meghalaya Village Development tourism cooperative society ltd Shillong,  u sordar ka shnong Mawphanlur,  u bah A.Lyngkhoi EE, PHE Nongstoin u ba la long u wei na ki ophisar u bala don kti lang lyngba ka ophis ka jong u ban iarap ban pynitynnad ia katei  kajaka lyngba ki jaka leit shabar ki ba biang kumba hynriew tylli ei ei kiba la shna ha ka dur jong ka iing skum, u Branch manager , Meghalaya Cooperative Apex bank Ltd Nongstoin Branch bad ki wei ki wei kiba la ai jingkren lang.
Na ka liang jong u kongsan ha ba ai jingkren ha katei ka sngi plie ia katei ka tamasa u la ong ba ka Mawphanlur kadei ka jaka kaba itynnad shisha  kumba ka Ri Khasi bad Jaintia  ka dei ka ri   shisha kaba la kyrkhu da u Blei kaba shibun ki jaka ki ba don ha kane ka ri  kaba u Blei u la ai ki long kiba itynnad.
Shuh shuh u la ong ruh ba ban khring ia ki briew na la ka jong ka jaka bad  ia ki wei pat ki jaka ka long ka kamram  ka jong ngi ba kumno ngi dei ban pynpaw ia kane ka jingdon jong ka mariang  kaba don ia ka jingitynnad ha kane ka ri ka jong  ngi,  hynrei watla ki don ki jaka kiba itynnad ki ba bun  wat da ki trai shnong kim tip ba ki don kum kita ki jaka kiba itynnad.
U kongsan u la ong ba ka jingdon  jong ka jaka kaba itynnnad haba ki briew ki wan ban jngoh kai ia kane ka jaka ym dei ba ki  itynnad tang ia ka jinglong ka mariang hynrei ia kajinglong jong  ki trai shnong, u la kyntu ruh ia ki trai shnong ba ki dei ban don katta ka jinglong ban nang ban pyniadei bad kajing pdiang burom ia ki nongwei kiba wan jngohkai pyrthei sha kane ka jaka bad ba phi ai ki jingiarap na kabynta ka jong ki haba  ki leit phai sha la ki shnong ki jong ki.
U bah HDR ula ai jingiaroh ruh  ia ka tnad  Cooperation  kaba la shim ia kine ki maw jam ban kyntiew ia ka kam jngohkai pyrthei hapoh kane ka jylla ka jong ngi, namar tang da  u nongmih khmat bad ka jylla kin nym lah lymda ngim don kajingiatrei lang bad phi ki paitbah, ym tang katta  kajingiaroh ruh  ia ka Mawphanlur Cooperative  kaba la shim ia katei kajingkit khlieh bad kumba ka  ka ktien hi ka shait ong ba iarap ialade te yn iarap ia phi , bad kane ka long ba lada ka ne ka society kam shym la wan mih sha khmat ban ia kynduh ia ka tnad ba dei peit ngin nym lah ban tip hynrei  kajingwan ka jong  ka, ka pynlong ia ka tnad trei kam jong ka jylla  ban pynshur ban ai kajingiarap kaba don kam na kabynta ka jong ki.Ha katei ka sngi sdang ia katei ka tamasa lehkmen la ioh ruh ia kajingialehkai bapher bapher ia kaba la ia shimbynta da ki khynnah skul  kiba hap bad ki ba don ha jrong jong u lum Mawphanlur ba kynthep ia ka jingia kop painting , drawing, Spelling ‘B’, Adventure race, debate , bad kajingia kop shad.