Kyntait U DGP ba wan kiew ki ISIS

Shillong 08 Naitung:
U Acting DGP ka jylla u SK Jain u la kyntait ia ka jingmih khubor ba ki dkhot ka ISIS ki la wan kiew na ri Bangladesh sha India lynba u pud u sam ka Meghalaya.
Haba kyntait ia ka jingmih khubor mynta ka sngi, kaba la pynphriang ka khubor na Assam, “Ka dei ka khubor ka khlieng ka tyngab ba la shu pynheh”, la ong u DGP.
U la ong ba kan long kaba mynsaw ban shu pynphriang ia kum kane ka khubor kaba ktah ia ka jingmut jingpyrkhat jong ki paidbah bad kyntu ba ki lad pathai khubor ki dei ban tyngkan na kaba pynmih ia ka khubor bym shisha. U la ong ba ka tnad syntiat jong ka sorkar jylla bad ka sorkar pdeng ka la trei borbah khlem sangeh baroh ar phew kynta ban peitngor ia ki khappud jong ka ri.
Hynnin ka sngi, ka la mih ka jingiakren shane shatai ba ki lehnoh ISIS na Bangladesh kumba san ngut eiei ki la wan kiew sha sha India lyngba u pud u sam ka Meghalaya na South Garo Hills  ban leh ia ki kam pyntriem ha kane ka ri.