Palat 15 spah ngut ba ioh jingpang HIV ha Meghalaya

Shillong, 01 Nohprah:
Ka Meghalaya lem bad ka pyrthei ka la rakhe ia ka jingiada ia ka jingpang AIDS  mynta ka sngi ha U Soso Tham Auditorium, Shillong lyngba ki prokram bapher bapher ban pynshai paidbah ban iada ia ka jingpang HIV/AIDS kaba ma bha, bym pat lah ban sumar ia ka.  Ia kane ka prokram la pynlong da ka  Meghalaya AIDS Control Society (MACS).
Haba kren ha kane ka sngi ka myntri sorkar jylla ka Kong Ampareen Lyngdoh, ka la pynpaw ia ka jingsngew lyngngoh ia ka jingbun ki briew ba ioh ia ka jingpang HIV kiba don haduh palat ia ka 1500 ngut ha kane ka jylla.
“Ka don ka lynti ban hap iaid palat ban iada ia kane ka jingpang”, la ong ka Kong Ampareen bad ka la khot ia ki paidbah, ki tnd sorkar bad ki sengbhalang ban wan shakmat ban iatylli ban ialeh pyrshah ia kane ka jingma.  Ka la kyntu ia ki kmie ki kpa ban ai ia ka jinghikai kaba biang ia ki khun ki kti khnang ba kin lait na kane ka jingma.
Ha kane ka sngi ka la don ruh ka jingpynshai bad batai ban iada ia kane ka jingpang bad ka la don ruh ka jingai snam na ki briew ha kane ka sngi, ka jingiatainia bad kiwei kiwei.Ha ka por janmiet, u myntri ki kam samla u Zenith M. Sangma u la wan ban pynwai ia kane ka jingrakhe.