Pyrshah ka GHUA ban mang ar tylli ki shuki ia ki bym dei riewlum

Tura, 15 Jylliew:
Ka Garo Hills United Alliance (GHUA) ka la pynpaw ia ka jingpyrshah jur na ka bynta ban jied ar ngut ki nongtreikam  ki ba ym dei ki riewlum ha ka Garo Hills Autonomous District Council (GHADC) da kaba kdew ba katei ka jingtmu ka dei ka jingleh bym dei riewlum. Ka GHUA kaba kynthup ia san ngut ki  MDC kynthup ia u  Rupert Sangma, Righteous Sangma, Devier Sangma, Levastone Sangma bad u Kenadik Marak.Katei ka kynhun ka long shi bynta jong ka Congress kaba lam khmat na ka liang pyrshah ha GHADC, ha ka sngi Ba ar ba la dep, ka la pynpaw ia ka jingpyrshah ban thung ia u SG Esmatur Mominin kum u  chairman jong ka Planning Committee bad ia u Sofiur Rehman kum u Bakijai Advisory Committee namar ka long pyrshah ia ka jingsngew ki riewlum. “Ngi la pynkynmaw ia ka Executive Committee ka GHADC ba la ialam da ka NPP  ban nym ialehkai bad ka jingsngew ki riewlum,” la ong ka kyrwoh khubor na ka  GHUA. U Sofiur Rehman, u ba la shah kynthoh halor ka jingdon kti jong u halor ka jingkren pyrshah jong u ia ki riewlum Garo da kaba pyndonkam da ka internet.