Shillong, 10 Jylliew: “Kane ka long ka jingbym suidniew ia ka Lama ka Ri India bad ka dei ka jingpynkhein ain kaba long ruh ka ain ban iada ia ka burom ka ri (1971 Act) “, la pynpaw ka Jaintia Student Movement (JSM) Central Body hadien ka jinglap jong ki halor ka jingpynher jong ka Jaintia Hills Autonomous District Council (JHADC) da ka Lama India kaba jot ha phyllaw jong ka.
Ka Seng ka kynnoh ba kane ka dei ka jing khlem burom ia ka Lama jong ka Ri.
Ki khubor ki iathuh ba na ka liang ki nongialam jong ka JSM ki la pyrshang ban ia kynduh ia u Bah Thombor Shiwat u ba dei u Chief Executive Member (CEM) jong ka JHADC ban ai ha u da ka Lama ka ba thymmai ba buh ha ka jaka jong katei kaba la jot, hynrei na ka liang jong u CEM u la kyntait ban ia kynduh ia ki.
“Ka jingleh jong ka JHADC ka long ba kane ka ophis kala pynkhein ia ka ain jong ka sorkar pdeng bad kane ka long ka jingleh bym suid niew bad niew bein ia ki riti synshar ka Ri,” la ong ki dkhot ka JSM bad hadien ka jingkdew jong ki ka JHADC kala weng ia kane ka lama bad buh da kaba thymmai.
↧
Da ka Lama ka Ri ba la jot pynher ha JHADC
↧