Shillong, 10 Jylliew:
U Chief Executive Member ka Khasi Hills Autonomous District Council (KHADC), u Bah Pynshngain N Syiem, mynta ka sngi u la pyllait paidbah ia ka kot Shillong kaba kyrteng “The Travails and Death of Rev. Thomas Jones, Father of the Khasi Alphabet, the Missionary of the Gospel and Freedom Fighter of the Khasis ” ia kaba la thoh bad pynbit pynbiang da u Dr. Iaithrang Nongbri na ka shnong Mawpat ha ophis treikam jong u ha KHADC.
Ha kane ka sngi ha kate ka jingialang ban pyllait ia katei ka kot, la ia don lang ruh da u Rangbah Shnong na Langkyrding lem kiwei kiwei ki ophisar. Haba ai jingkren u Bah Pynshngain ula pynpaw ka jingsngewkmen na ka bynta u Dr Nongbri u ba la pyllait ia kane ka kot ha kaba ia dei bad ka jingim bad jingtrei kam jong u Thomas Jones. “Haoid ki la bun ki kot kiba la pynmih halor ki kam bad jingtrei u Thomas Jones hynrei ka jingpynmih hadien ka jingioh lum jingtip kiba bniah kum ha kane ka kot ki ong kiei kiei kiba pynshai halor ka jingim u Thomas Jones”, la ong u Bah Pynshngain.
Haba ia kren bad u nongthoh jong kane ka kot, u Dr Iaithrang Nongbri u la pynpaw ba ka jingthmu jong u ha kaba pynmih ia kane ka kot halor ka jingthmu ba ki nongpule kin ioh ia ka jinghikai khamtam ia ki khun samla bad bud nuksa ia ka jingim jong u Thomas Jones kum u riewshlur na ka jaidbynriew Khasi.”Ka kot ka don ha ka ia ka khana shaphang ka jingim bad jingtrei kam u Sahep kum ka jingtrei misteri bad ka rep ka riang bad ka jingialap ia ka ktien u Blei bad bun kiwei kiwei pat kiba nga la lum jingtip na ki jingthoh bad bad na ki riew don jingtip halor ki kam u Sahep”, la ong u Dr Nongbri
“Ka la shim por ia nga haduh hynniew snem ban pyndep ia kane ka kot naduh u snem 2009 ba nga la sdang ban thoh ia kane ka kot bad ngam shym la pan kano kano ka jingiarap bad mynta ka snem ka dei ka lyngkhuh snem ba 175 jong u Thomas Jone mynba u wan sha kane ka jylla jong ngi,”, la ong shuh u Dr Nongbri.” U Thomas Jones u la hikai shaphang ka rukom rep da kaba pyrshah ia ka rukom rep syrti (thang khlaw) naduh ki por mynshwa bad kane ka hikai ia ngi kuno ban iada ia ka mei mariang ha kane ka juk ba mynta”, la pynkut u Dr Nongbri
↧
Pyllait u CEM ka KHADC ia kot halor u Thomas Jones
↧