Bun ki MDC ka KHADC, ki ban ia khun na ka UDP ha ka 2018

Shillong, 9 Jylliew:
Kin don bun ngut ki MDC ka KHADC ki ban ia aireng ha ka elek shon 2018 na ka seng UDP. Katkum ka jingioh lum jingtip u Rupang katto katne ngut ki MDC ka KHADC kiba lah ban aireng na ka seng UDP ha ka elekshon 2018 ki long u bah Arbinus Lyngdoh- u MDC ka seng Congress na Umroi, nangta la ioh jingtip ba u bah L.G Nongsiej MDC ka Nong stoin, u bah Morningstar Mawsor MDC na Maw shynrut bad u bah Hadrian Lyngdoh u MDC ka seng Congress na Mawkyrwat konstitwensi. U Rupang u la ioh jingtip ruh ba u CEM ka KHADC u bah Pynshngain N Syiem u lah ban ia khun na ka seng UDP ha kane ka elekshon 2018 lada jia ba um lah ban seng ia la ka jong ka seng sain pyrthei ha ka elekshon 2018 hynrei la thikna pat ba un ym ia khun shuh na ka seng Congress, iathuh ka tyllong khubor.
Katkum ka jingiathuh ki tyllong khubor la ong ba mynta ka la don ka jingiasylla hapdeng kiba bun ki MDC ka KHADC ban ia wer lok ban leit ia soh lang noh bad ka seng UDP ha kajuh ka por hynrei ka jingiakren jong ki ka dang iaid haduh mynta bad la sngewthuh ruh ba nalor kitei kiba la kdew kyrteng haneng dang don shuh ki MDC kiba thmu ban leit ia soh noh bad katei ka seng. La ioh jingtip ba katei ka jingiasoh jong ki kan long shuwa ba ki seng riewlum kin thaw lypa ia ka kynhun synronp na ka bynta ban ia thaw sorkar lang ha u 2018. U Rupang u la pyrshang ban ia kren bad katto katne ngu tna kitei ki MDC kiba la paw kyrteng hynrei kim pat treh ban ia kren eiei bad ki la ong “Haba la dei ka por, phi dei ma phi ki ban ioh jingtip nyngkong”.